முதல் கணவரை தீர்த்து கட்ட 2வது கணவரை அனுப்பிய கொடூரம்.. நாம் தமிழர் கட்சி பெண் நிர்வாகி வெறிச்செயல்!!

39

தஞ்சாவூர் மாவட்டம், திருவிடைமருதூர் தாலுகா ஏகேவி நகரைச் சேர்ந்தவர்கள் ஹரிபாரதிதாஸ்-இந்திரா தம்பதி. இவர்களது மகன் ரோகேஷ் (43). சிங்கப்பூரில் கணினிப் பொறியாளராகப் பணிபுரிந்து வரும் இவருக்கும், கும்பகோணம் பழைய அரண்மனை தெருவைச் சேர்ந்த ராஜன்-நிர்மலா தம்பதியின் இளைய மகள் திவ்யா (35) என்பவருக்கும் கடந்த 15.5.2013 அன்று திருமணம் நடைபெற்றது.

இவர்களுக்கு தீப்தா என்ற 6 வயதில் மகள் உள்ளார். நாம்தமிழர் கட்சியின் முக்கிய உறுப்பினரான திவ்யா, 2022ஆம் ஆண்டு கும்பகோணம் மாநகராட்சித் தேர்தலில் அக்கட்சியின் சார்பில் கவுன்சிலர் பதவிக்கு போட்டியிட்டு தோல்வியடைந்தார்.

இந்நிலையில் நேற்று இரவு கும்பகோணம் அரசு கல்லூரி ரவுண்டானா பகுதியில் ரோகேஷை நந்தகுமார் உள்ளிட்ட சிலர் வழிமறித்து அரிவாளால் சரமாரியாக வெட்டினர்.

இதில் பலத்த காயமடைந்த அவர் கும்பகோணம் அரசு மருத்துவமனையில் அனுமதிக்கப்பட்டார். கும்பகோணம் கிழக்கு போலீசார் நடத்திய விசாரணையில், திடுக்கிடும் தகவல் வெளியானது. ரோகேஷ் சிங்கப்பூரில் வேலை பார்த்துக் கொண்டிருந்தபோது, ​​அவரது மனைவி திவ்யா அவ்வப்போது சுற்றுலா விசாவில் அவரைப் பார்ப்பது வழக்கம்.

அவ்வப்போது கணவன் கொடுத்த பணத்தில் இருந்து 200 பவுன் தங்க நகைகளை வாங்கியுள்ளார். மேலும், ரோகேஷ் தனது வங்கிக் கணக்கில் இருந்து சுமார் ₹2 கோடியே 81 லட்சத்தை திவ்யாவின் வங்கிக் கணக்கிற்கு மாற்றியுள்ளார். அந்த பணத்தில் திவ்யா, தன் பெற்றோர் பெயரில் சொத்துக்களை வாங்கி குவித்துள்ளார்.

இந்நிலையில், டாஸ்மாக் கடை பாரில் சப்ளையராக பணிபுரியும் இன்னாம்பூரை சேர்ந்த நந்தகுமார் (31) என்ற வாலிபருடன் திவ்யாவுக்கு தகாத உறவு ஏற்பட்டது.

இதனால் கணவருடன் அடிக்கடி தகராறு செய்து வந்த திவ்யா, 2021ல் விவாகரத்து கோரி கும்பகோணம் நீதிமன்றத்தில் வழக்கு தொடர்ந்தார்.இந்த வழக்கு நிலுவையில் உள்ளது. இந்நிலையில், இன்னாம்பூர் காளியம்மன் கோவிலில் நந்தகுமார் திவ்யாவுக்கு மாலை அணிவித்து, ஊர் முறைப்படி தாலி கட்டி திருமணம் செய்து கொண்டார்.

இவர்களுக்கு 7-12-2023 அன்று பெண் குழந்தை பிறந்தது. அதற்கு ஷண்மிதா என்று பெயரிட்டனர். மேலும் குழந்தையின் பிறப்பு சான்றிதழில் கணவர் பெயர் நந்தகுமார் என குறிப்பிடப்பட்டுள்ளது.

இது அவரது முதல் கணவருக்கு தெரிய வந்ததால், சொத்து, நகைகள் எங்கே போய்விடுமோ என்ற பயத்தில், கணவன் ரோகேஷை கொலை செய்து விடுவதாக அவ்வப்போது மிரட்டி வந்துள்ளார்.

இந்நிலையில், கடந்த 10ம் தேதி கும்பகோணம் அரசு கல்லூரி ரவுண்டானா பகுதியில் ரோகேஷை ஒரு கும்பல் தாக்கி பலத்த காயம் அடைந்தார். போலீசில் புகார் அளித்தும் நடவடிக்கை இல்லை.

இந்நிலையில் நேற்று இரவு அதே கல்லூரியின் ரவுண்டானாவில் நந்தகுமார் உள்ளிட்ட சிலர் ரோகேஷை படுகொலை செய்யும் முயற்சியில் வெட்டினர். அதனால் ரோகேஷ் தனது மகள் தீப்தாவை என்னிடம் அனுப்ப வேண்டும்.

மேலும், திவ்யாவிடம் கொடுத்த ₹2 கோடியே 81 லட்சத்தையும், அவளிடம் மிரட்டி மிரட்டிய வீடு மற்றும் நகைகளையும் திருப்பித் தர வேண்டும் என்று கண்ணீர் மல்க வாக்குமூலத்தில் கூறியதாக போலீஸார் தெரிவித்தனர்.

போலீசார் கொலை முயற்சி வழக்கு பதிவு செய்து திவ்யாவின் 2வது கணவர் நந்தகுமார், மூப்பக்கோயிலை சேர்ந்த சிவானந்தம் (25), திருவலஞ்சுழியை சேர்ந்த அண்ணாதுரை (29), ஆலமங்குறிச்சியை சேர்ந்த மதன் (22) ஆகியோரை கைது செய்து விசாரணை நடத்தி வருகின்றனர்.

Previous articleகணவருடன் 28 நாட்கள் வாழ்ந்த பெண்..1500 ரூபாய் பணம் கொடுத்த உறவினர்கள்..நடந்தது என்ன?
Next articleதாயுடன் உல்லாசமாக இருந்தவரை சாக்குமூட்டையில் பார்சல் செய்த மகன்!!